 |
| तस्विर:गोरखापत्र |
अघिल्लो स्थानीय तह निर्वाचनमा वडा सदस्य निर्वाचित भएपछि कार्यपालिका सदस्यमा समेत निर्वाचित हुनुभएको सिमकोट गाउँपालिका –३ को गुम्वा गाउँकी नाक्साल लामा शैक्षिक सत्रअन्तर्गत कक्षा एकमा भर्ना गर्नुभएको हो ।
कार्यपालिका सदस्य भए पनि लामा लेखपढ गर्न सक्नुहुन्न । यस कारण धेरै कुरा थाहा नहुने हुँदा केही जान्न र बुझ्न कक्षा एकमा भर्ना भएको लामा बताउनुुहुन्छ ।
गाउँकै हिमगिरी प्राथमिक विद्यालयमा उहाँले भर्ना गर्नुभएको छ । जनप्रतिनिधि हुँदा सामान्य हस्ताक्षर गर्न र नाम मात्र लेख्ने लामा अहिले कखरा राम्रोसँग पढ्न र लेख्न सक्नुहुन्छ ।
उहाँले पढाइको महत्त्व बुझेर नै आफुले यो उमेरमा पढाइ सुरु गरेको र कतिसम्म सकिन्छ त्यति बेलासम्म अध्ययन गर्ने बताउनुुभयो । पढेर जागिर खाउँला वा अन्य केही गरौलाभन्दा पनि साक्षर बन्नकै लागि पढाइ सुरु गरेको उहाँको भनाइ छ ।
उहाँको कक्षामा चार जना साथी छन् । नजानेको कुरा साथीहरुसँग सोध्ने गरेको उहाँ बताउनुुहुन्छ । विद्यालयमा भर्ना भएसँगै किताब कापी पनि उहाँले पाउनुभएको छ ।
दिउँसो नातिनी उमेर समूहका साथीसँग उहाँ पढ्न बस्नुहुन्छ । तर, उहाँका छोरी क्याम्मालाई आमाले यो उमेरमा विद्यालय भर्ना गरे पढ्न थालेको मन परेको छैन ।
.png)
.png)
.jpg)
.jpeg)
.png)
Posts
