स्याङ्गजा , साउन २३ । स्याङ्गजामा प्रेमिकाकै लागि आफ्नी छोरीको हत्या गरेको आरोपमा एक महिला सहित दुई जनालाई प्रहरीले पक्राउ गरेको ।
पाल्पा का आफ्ना प्रेमी सँग विवाह गर्नकै निमित्त आफ्नी ६ महिनाकी छोरीको हत्या गरेको आरोपमा प्रहरीले आमा सहित उनका प्रेमीलाई पक्राउ गरेको जनाएको छ । प्रहरीले स्याङ्गजा गल्याङबाट २२ वर्षीय लक्ष्मी राना सहित पाल्पा घर भएका उनका प्रेमी २२ वर्षीय केदार कुमाललाई पक्राउ गरेको हो ।
आफ्नी बुहारी ६ महिनाकी छोरी सहित हराएपछि ससुराले गएको साउन १२ गते प्रहरीमा उजुरी दिएपछि प्रहरीले अनुसन्धान थालेको थियो ।
रानाले साउन १० गते राति १२ बजे ६ महिनाको छोरीलाई उनको अस्थायी ट्वाईलेटको खाल्टोमा फालेको प्रारम्भिक अनुसन्धानबाट खुलेको छ । खोजतलास गर्दै जाँदा सोही खाल्टोमा सडेगलेको अवस्थामा बच्चाको लास फेला परेको हो ।
प्रहरीका अनुसार घटनाका सम्बन्धमा थप अनुसन्धान भईरहेको छ ।
यो पनि :
पछिल्लो २४ घण्टामा स्याङ्गजाका ३३ जनामा को'रोना संक्रमण पुष्टि
पछिल्लो २४ घण्टामा स्याङ्गजाका ३३ जनामा कोरोना संक्रमण पुष्टि भएको छ । गण्डकी प्रदेश स्वास्थ्य निर्देशनालयका अनुसार आज गण्डकीमा स्याङ्गजाका ३३ सहित प्रदेश्भर १६३ जना कोरोना संक्रमण पुष्टि भएको हो ।
प्रदेशका अन्य जिल्लाका संक्रमित हुनेहरुमा मनाङका ८ जना , मुस्ताङका ८ जना, कास्कीका ६० जना लमजुङका ४० जना, तनहुँक १ जना, पर्वतका १ जना र बाग्लुङका १८ रहेको गण्डकी प्रदेश स्वास्थ्य निर्देशनालय पोखराले जनाएको छ ।
यो सँगै गण्डकीमा हालसम्म संक्रमित हुनेहरुको संख्या १०३१०५ पुगेको समेत निर्देशनालयले जनाएको छ ।
आज पछिल्लो २४ घण्टामा गोरखा, म्याग्दी र नवलपरासी (पूर्व) मा भने कुनैपनि संक्रमित थपिएका छैनन् ।
Posts
