आश्विन ९ गते आइतबार अन्दाजी ४ बजेको समयमा कास्की पोखरा महानगरपालिका वडा नं. १० बुद्दचोक स्थित बिरेन्द्र कार्कीको घरमा शिव सुवेदी समेतले संचालन गरेको 'यु एण्ड मि' मा सिसिटिभीको निगरानीमा बसि अवैध रुपमा जुवातास खेल्ने ९ जनालाई प्रहरीले पक्राउ गरेको हो ।
अवैध रुपमा जुवातास खेल्ने खेलाउने गरेका छन भन्ने गोप्य सुचनाको आधारमा वडा प्रहरी कार्यालय रामबजार कास्कीबाट खटिएको प्रहरी टोलीले उनीहरुलाई नगद रु २,१५,२५०।- ( नगद रु दुई लाख पन्ध्र हजार दुई सय पचास ) सहित पक्राउ गरेको हो ।
साथै उनीहरुबाट तास ४ बुक (२१४ पत्ती), सिसिटिभीको SINTECH लेखेको १५ ईन्चको कालो रंगको लेड मनिटर १ थान , यु एन भी लेखेको कालो रंगको एन भी आर भिडियो रेकर्डर १ थान , चार्जर थान-२ र माउस थान-१ सहित नियन्त्रणमा लिई सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुर अन्तर्गत जुवा खेल्न वा सट्टा बाजी गर्न नहुने मुद्दा शीर्षकमा जिल्ला प्रशासन कार्यालय कास्कीबाट ६ दिनको म्याद थप गरी अनुसन्धान प्रकृया अगाडी बढाइएको प्रहरीले जनाएको छ ।
Posts
