पोखरा , कात्तिक २५ गते । पोखरा १५ नयाँगाउँमा अवस्थित मेरिगोल्ड अंग्रेजी आवासीय माविमा आधारभूत तहको हाजिरी जवाफ प्रतियोगिता सम्पन्न भएको छ ।
विद्यालयले आफ्नो बार्षिक कार्यतालिका अनुसार अतिरिक्त क्रियाकलाप अन्तर्गत आधारभूत तहको हाजिरी जवाफ प्रतियोगिता शुक्रबार आफ्नै सभाहलमा सम्पन्न गरेको हो ।
कक्षा ५ देखि ८ सम्मका विद्यार्थीहरू सहभागी उक्त कार्यक्रममा रातो, निलो, हरियो र पहेंलो गरी चार सदनको सहभागिता रहेको थियो ।
कार्यक्रममा रातो सदनका विद्यार्थीहरु सहिद अलि, बिनम थापा , रायन छेत्री र रोशनी सुनारको समूहले प्रथम स्थान प्राप्त गरेका थिए भने पहेँलो सदनबाट स्वस्तिका थापा ,सन्ध्या राना, डेभिड खड्का र रबिन थापाको समुहले दोश्रो स्थान प्राप्त गरेका थिए ।
Posts
