पोखरा १५ नयाँगाउमा अवस्थित मेरिगोल्ड अंग्रेजी आवासीय माविमा तिन दिवसीय खेलकुद सम्पन्न भएको छ । विद्यालयले मङ्सिर ७ गते देखि ९ गते सम्म तिन दिवसीय खेलकुद दिवस सम्पन्न गरेको हो ।
नर्सरी देखि कक्षा १२ सम्म विभिन्न विधामा खेलकुद प्रतियोगिता सम्पन्न गरेको विद्यालय प्राचार्य प्रविण गुरुङ्गले बताउनु भयो ।
विद्यार्थीहरूलाई पढाइका अलवा शारीरिक र मानसिक विकासका लागि खेलकुदले विद्यार्थीहरुमा सकारात्मक भूमिका खेल्ने बताउँदै विद्यालयको बार्षिक कार्यतालिका अनुसार खेल दिवस सम्पन्न गरेको प्रचार्य गुरुङले बताउनुभयो ।
त्यस्तै विभिन्न विधाका प्रतियोगितामा सहभागी भएर विजेता हुने विद्यार्थीहरूलाई पुरस्कार वितरण समेत गरिएको थियो । विभिन्न खेलमा सहभागी १८० जना भन्दा बढी विद्यार्थीहरुले पुरस्कार प्राप्त गरेका थिए ।
पुरस्कार वितरण समारोहका अध्यक्ष एवम् विद्यालयका संस्थापक निर्देशक मोतीराम गुरुङले खेलकुद स्वस्थ जीवनको अङ्ग भएकाले विद्यार्थीहरुको सबै पक्षको विकासमा पनि खेलकुदले महत्वपूर्ण भूमिका खेल्ने बताउनुभयो ।
Posts
