 |
| स्थानीयको स्वास्थ्य परिक्षण गर्दै स्वास्थ्यकर्मी |
फाल्गुन १६, स्याङ्गजा जिल्ला स्थित अर्जुनचौपारी गाउँपालिका वडा नम्बर ३ आग्रीखर्कमा स्वास्थ्य परिक्षण एवम् स्वास्थ शिक्षा कार्यक्रम सम्पन्न भएको छ ।
पालिकाको वडा नम्बर ३ आग्रीखर्कमा स्वास्थ्यकर्मी सहितको रक्तचाप परिक्षण सँगै स्वास्थ्य परामर्श दिने काम पनि सम्पन्न भएको हो ।
पालिकाले चालेका केहि उदाहरणीय कामहरूले पालिकाबासीलाई केहिहदसम्म राहत प्रदान भैरहेको स्थानीयवासीले बताएका छन् ।
घरमै आएर रक्तचाप परिक्षण गर्दा आँफु जस्तो रक्तचापको बिरामीलाई अत्यन्तै खुसि लागेको आग्रीखर्क माझगाउँ निवासी यमकली काफ्लेले बताउनुभयो ।
टोलीले गाउँका प्रत्येक टोल टोलमा पुगी स्वास्थ्य परामर्श सँगै सामान्य स्वास्थ्य परिक्षण गरेको थियो ।
सामान्य स्वास्थ्य सेवा र स्वास्थ्य परामर्श लिन पनि पर्वतको पाखापानी पुग्नुपर्ने आग्रीखर्कबासी आफ्नो गाउँमै स्वास्थ्य इकाई स्थापना भए पश्चात अत्यन्त हर्षित समेत भएका छन् ।
पहिले स्वास्थ्य इकाई नहुँदा सामान्य सिटामोलका लागि सँगै रक्तचापका बिरामीहरूले पनि सामान्य परिक्षण गराउन पनि साह्रै मुस्किल परेको यहाँका स्थानीयहरूले बताउँछन् ।
गाउँपालिका सँगै स्थानियहरुको को पहलमा केहि बर्ष अगाडी मात्रै आग्रीखर्कमा स्वास्थ्य इकाइको स्थापना भएको थियो ।
अर्जुनचौपारी गाउँपालिकाको मात्र नभई स्याङ्जा जिल्लाकै पश्चिमी भूभागमा पर्ने यस भेगका बासिन्दाहरूलाई पालिकाले पछिल्लो समय स्वास्थ्य क्षेत्रमा देखाएको सौहार्दता र यो सुन्दर सुरूवातालाई स्थानीयले प्रसंसा गरेका छन् ।
.png)
.png)
.jpg)
.png)
.jpeg)
Posts
