पोखरा, १४ फाल्गुन ।
पोखरामा चार महिनापछि असिना सहितको वर्षा भएको छ । पश्चिमी वायुको प्रभावले प्रदेश नम्बर १, मधेस र वाग्मती प्रदेशको दक्षिणी भूभाग र गण्डकी प्रदेशका केहि भागमा वर्षा भएको जल तथा मौसम विज्ञान विभागले जनाएको छ ।
पोखराका केहि स्थानमा असिना र हावाहुरी सहितको बर्षा भएको हो । दुइ दिन अगाडी फाट्टफुट्ट मात्रै पानी परेको पोखरामा आज भने एक तरो धुलो मर्ने गरी बर्षा भएको छ । नेपालकै प्राय धेरै बर्षा हुने ठाउँ भनेर चिनिने पोखरामा लामो समय पानी नपर्दा किसान चिन्तित थिए ।
आजको बर्षाले खेतबारीमा लगाइएका हिउँदे खेतीलाई राहात मिलेको भए पनि कुनै कुनै स्थानमा परेको असिनाले हिउँदे बालीमा क्षति पुगेको छ ।
मौसमविद्का अनुसार पश्चिमी वायुको प्रभाव रहेकाले अझै केही समय वर्षा हुने सम्भावना रहेको छ ।
प्रिमसुन सिजनमा प्रवेश गर्न लागेकाले त्यसको प्रभाव पनि मौसममा देखिएको मौसमविद्हरुले जनाएका छन् ।
Posts
