जाजरकोट , फाल्गुन २ गते । एक पूर्व जनमुक्ति सेना नेपालका कमान्डरकाे भिरबाट लडेर ज्यान गएको छ । जाजरकाेटमा मङ्गलवार दिउँसो भिरबाट लडेर पूर्व जनमुक्ति सेना नेपालका कमान्डरकाे ज्यान गएको हो ।
वस्तुभाउ चराउन हिँडेका भेरी नगरपालिका २ डिगाँका ३९ वर्षीय नरबहादुर थापाको भिरबाट लडेर ज्यान गएको प्रहरीले जनाएको छ ।
घरबाट नजिकैको भिरमा वस्तुभाउ चराउन गएका थापा अबेरसम्म पनि घर नफर्केपछि घरपरिवारले हारगुहार गरेको थियो । थापा हराएको खबर पाएपछी परिवार सँगै आफ्ना आफन्त खोजीमा निस्केका थिए । खोजतलासको क्रममा थापा भिरको पुछारमा मृत भेटिएका हुन् ।
Posts
