दैनिक रूपमा उपभोक्ताको केही न केही कमजोरी तथा गल्तिले ग्यास पड्किने सम्भावना हुने गर्दछ । यदि हामीले केहि सामान्य होसियारी अपनाउन सकियो भने मात्रै पनि यसको जोखिमबाट सुरक्षित रहन सक्छौँ ।
ग्यास चुहावट पहिचानको एकदमै ठूलो समस्या भनेको यो अदृश्य हुन्छ र कुनै संकेत वा लक्षण नदिइकन वातावरणमा फैलने गर्दछ ।
थाहा पाईराख्नुहोस् ग्यास चुहावट कसरी हुन सक्दछ भनेर ;
ग्यास चुहावट हुनुका कारणहरु
-ग्यासमा गुणस्तर प्रमाणित नभएका चुल्हो, रेगुलेटर, रबर पाइप जस्ता उपकरणको प्रयोगले
-ग्यासको सिलिन्डर (रेगुलेटर) अफ नगरिनु
-बिग्रिएका पुराना ग्यास पाइपहरु
-बिग्रिएका उपकरणहरु (ओभन, गिजर, बोइलर आदि)
-चुल्हो खुल्लै छाडि बेवास्ता गरिनु
-खुकुलो गरी फिट गरिएका ग्यासका पाइपहरु
- लामो समयसम्म प्रयोग नगरेको सिलिण्डर र सिलिण्डर जथाभावीरुपमा प्रयोग गर्दा
कसरी बच्ने त ?
–सिलिन्डरबाट ग्यास लिक भएको थाहा पाउनासाथ रेगुलेटर बन्द गर्नुहोस् ।
–एउटै भान्सामा दुई वटा सिलिण्डर सकेसम्म नराख्नुहोस् ।
–सिलिण्डरलाई गुडाउनु हुँदैन ।
–सिलिण्डरलाई कहिल्यै पनि ढलाएर वा कोल्टो पारेर नराख्नुहोस् ।
–भार पर्नेगरी सिलिण्डरमाथि कुनै सामान नराख्नुहोस् ।
-कहिलै पनि चुलोभन्दा सिलिण्डर माथि राख्नु हुँदैन ।
-ग्यास रहेको ठाँउ नजिक झ्याल खुल्ला राख्नुहोस्
–सिलिण्डर भन्दा कम्तीमा ६ इन्च माथि ग्यास चुलो राख्नुहोस्।
-नियमित रुपमा ग्यासजन्य सम्पूर्ण उपकरणहरुको जाँच गर्नुहोस्
-चुल्होमा निलो रंगको आगो नबली पहेँलो वा सुन्तला रंगको आगो बलेमा प्राविधिकलाई बोलाएर देखाउनुहोस्
-ग्यास प्रवाह हुने ठाँउबाट कुहिएको गन्ध आएमा सावधान रहनुहोस्
-दैनिक रुपमा प्रयोग हुने सिलिण्डरमाथि दैनिक रूपमै ध्यान दिनुहोस्
अनि सुन्नुस त :
'ग्यास चुहिएको जाँच गर्न कहिल्यै पनि सलाइको प्रयोग गर्दै नगर्नुस् ।'
Posts
