म्याग्दी, ३ फाल्गुन । म्याग्दी कोरला यातायातको बस आज काली गण्डकी नदीमा खस्दा १८ जना यात्रु घाइते भएका छन् । जोमसोमबाट पोखराका लागि छुटेको म्याग्दी कोरला यातायातको ना ७ ख ७४४० नम्बरको बस आज काली गण्डकी नदीमा खस्दा १८ यात्रु घाइते भएका हुन् ।
बस थासाङ गाउँपालिका –३ घम्पुबाट गाडी कालिगण्डकी नदिमा खसेको स्थानीयले बताएका छन् । घाइते ५ जना सामान्य उपचार पछि घर फर्के पनि बाँकी सबैलाई प्राथमिक स्वास्थ्य केन्द्र लेतेमा सामान्य उपचारपछि थप उपचारका लागि अन्यत्र रिफर गरिएको खबर प्राप्त भएको छ ।
केहि यात्रुका अनुसार खलासीले गाडी चलाउँदा दुर्घटना हुन पुगेको भनिए पनि यस सम्बन्धमा थप अनुसन्धान भइरहेको प्रहरीले जनाएको छ ।
दुर्घटनाको खबर प्राप्त गर्नासाथ नेपाली सेना, नेपाल प्रहरी तथा सशस्त्र प्रहरी घटनास्थल पुगेको थियो ।
.png)
.png)
.jpg)
.png)
.jpeg)
Posts
