पोखरा, गण्डकी प्रदेशका मुख्यमन्त्री खगराज अधिकारीले पोखराको हवाई उडान सुरक्षित नै रहेको प्रमाणित गर्न चाहेको बताएका छन् ।
उनले सामाजिक सञ्जाल फेसबुक मार्फत आफ्नो पोष्ट शेयर गर्दै पोखराबाट गरीने हवाई उडान सुरक्षित रहेको र सो कुरा प्रमाणित गर्न चाहेको बताएका हुन् ।
'हामि हवाई उडान सुरक्षित छ भन्ने प्रमाणित गर्न चाहन्छौँ ' अधिकारीले पोष्ट शेयर गर्दै भनेका छन् ।
आँफु पोखराबाट काठमाडौं जाँदै गर्दा फेसबुकमा फोटो सहितको पोष्ट मा सो कुरा व्यक्त गरेका हुन् ।
पोखरामा हालसालै भएको यती एयरलाइन्सको दुर्घटना र प्रतिकूल मौसमका कारण आन्तरिक हवाई यात्रुको संख्या ३८ प्रतिशतले घटेको छ । पोखरामा भएको अहिलेसम्ममकै ठूलो हवाई दुर्घटना पश्चात सर्वसाधारणमा त्रासका कारण हवाई यात्रामा निस्कनेहरुको संख्यामा तुलनात्मक रुपमा कम देखिएको छ ।
Posts
