पोखरा, १४ फाल्गुन । बालयाैन दुराचारकाे मुद्दा खेपिरहेका अभिनेता पल शाहलाई उच्च अदालत पाेखराले सफाइ दिएकाे छ ।
आइतबार उच्च अदालतका न्यायाधीश डिल्लीराज आचार्य र श्रीधराकुमारी पुडासैनीको इजलासले अभियोग दाबी नपुग्ने भन्दै शाहलाई सफाइ दिएको हो । सफाइ पाएसँगै अब उनी रिहा हुनेछन् ।
नाबालिगमाथि जबरजस्ती करणी गरेको भन्दै शाहविरुद्ध २०७८ फागुन ११ गते तनहुँ प्रहरीमा उजुरी परेको थियो ।
शाहलाई नवलपुर जिल्ला अदालतले बाल यौन दुराचारकाे अभियोगमा साढे दुई वर्षको कैद सजाय र पीडितलाई १० लाख रुपैयाँ क्षतिपूर्ति दिनुपर्ने फैसला सुनाएको थियाे ।
नाबालिगमाथि जबरजस्ती करणी गरेको अभियोगमा तनहुँ अदालतमा परेको मुद्दामा शाहले सफाइ पाइसकेका छन् ।
Posts
