गजल
सपना हजार बाँकी दिल भित्र नै लिखित छ
मान्छे हो देह भन्छन सारा जगत भ्रमित छ।
भन्छन् घमण्ड होला देख्नेहरू कसैले
बोली गएसि" खेर यो मौनता उचित छ
माया मरेछ था"भो साच्चै असर देखायौ
मार्यौ तिमीले के भो! पलपल ममा जीवित छ
पर्खाइमा के राख्यौ कसले देख्यो र भोलि!
यो जिन्दगीको यात्रा सबको यहाँ सीमित छ
कस्तो हो यो समर्पण! धोका दिने के बुझ्ला
साँचो पियारमा नै हार्ने समेतले जित्छ
कहिल्यै सफल भईन, बिर्सन्छु नै भने नि
तिम्रो यो यादको लत छाती भरि जडित छ
कस्ता उराठलाग्दा दिन रात साँझ आए,
कसको अधीन भित्र मौसम यसै ग्रसित छ!
- सृजना ढकाल, पोखरा
.png)
.png)
.jpg)
.png)
.jpeg)
Posts
