पोखरा, फागुन २५
सरकारी कर्मचारी अवकाशको उमेरहद ६० वर्ष बनाउने तयारी सरकारले गरेको छ।
यस बारे संघीय मामिला तथा सामान्य प्रशासन मन्त्रालयले संघीय निजामती सेवा ऐनको मस्यौदा अन्तिम चरणमा पुर्याएको छ । मन्त्रालयले छिट्टै विधेयक संसद्मा दर्ता गर्ने तयारी गरेको हो ।
यसअघिको संसदमा कर्मचारीको उमेरहद ५८ राख्ने कि ६० राख्ने भन्ने विवाद रहेकोमा विधेयकमा अवकाश उमेरहद ६० वर्ष राख्ने तयारी गरिएको छ ।
बुधबार मन्त्रालयमा पत्रकारहरूसँगको अनौपचारिक कुराकानीमा संघीय मामिला तथा सामान्य प्रशासन मन्त्री अमनलाल माेदीले विधेयकको मस्यौदा अन्तिम चरणमा पुगेको जानकारी दिँदै छिटै संसदमा दर्ताको तयारीमा रहेको बताए ।
उनले संघीय निजामति सेवा ऐन अहिलेका कर्मचारीका लागि बनाउने नभई अब आउने कर्मचारीको सुव्यवस्थाका लागि बनाउन लागेको जनाए ।
Posts
