पोखरा , १ चैत । पोखरा महानगरपालिका १८ भकुण्डेस्थित एक कालिज फार्ममा चितुवाले आक्रमण गर्दा २ जना घाइते भएका छन् ।
स्थानीयहरूले सामूहिक रूपमा सञ्चालन गर्दै आइरहेको उक्त फार्ममा चितुवाले आज बिहान करिब सवा सात बजेतिर आक्रमण गर्दा रुपा गाउँपालिका-४ का २८ वर्षीय श्रीकृष्ण मल्ल ठकुरी र पोखरा १८ बस्ने ३२ वर्षीय राजेश तिम्सिना घाइते भएका हुन् ।
सामान्य घाइते भएका उनीहरूको पोखरा स्थित मेट्रो सिटी अस्पतालमा उपचार भइरहेको छ ।
आक्रमण गर्ने चितुवा भने मृत भेटिएको प्रहरीले जनाएको छ । प्रहरीका अनुसार मृत चितुवालाई वन कार्यालयको जिम्मा लगाइएको छ ।
Posts
