सप्तरीको कञ्चनरुप नगरपालिका–३ दास टोलका ३७ वर्षीय शिवशंकर दासलाई ३० वर्षीया श्रीमती कोशिला देवीले करेन्ट लगाएर मा'रेको खबर बाहिर आएको हो । शिवाशंकरको गएको कात्तिक ६ गते करेन्ट लागेर ज्यान गएको थियो ।
प्रहरीले जानकारी दिए अनुसार घरव्यवहार चलाउन शिव शंकर र कोशिलादेवीले भाउजू पर्ने शान्ति देवीसित ऋण लिएको र सोहि ऋण तिर्नकै निमित्त उनै भाउजु पर्ने शान्तिको पुर्व योजनामा शिव शंकरको हत्या गरेको श्रीमती कोशिलाले बयान दिएकि हुन् ।
शान्ति देवीले शिवशंकरलाई आफ्नो घरमा बोलाएर मदिरा खुवाएर टिल पारेर घरमा पठाएकी र मदिराको नशामा मातेर घर पुगेका श्रीमान शिवशंकरलाई कोशिलाले बायाँ हातको साहिली औंलामा करेन्ट लगाइदिएको प्रारम्भिक अनुसन्धान बाट थाहा लागेको छ ।
कोशिलाले मदिराले टिल परेर घरमा आएका श्रीमानको आफ्नै बुहारी हिरण देवीको सहयोगमा करेन्ट लगाइदिएर ज्यान लिएको थाहा लागेको हो ।
यो संगै श्रीमती कोशिला देवीसहित तिनै जनालाई पक्राउ गरि थप अनुसन्धान गरिरहेको प्रहरीले जनाएको छ ।
उनीहरूले शिवशंकरको दुई महिनाअघि नेपाल लाइफ इन्स्योरेन्स र सिटिजन लाइफ इन्स्योरेन्समा २० / २० लाखको बिमा गराएका थिए ।
Posts
