चितवन, २ चैत । जुम बैठकमा महिला कर्मचारीमाथि अश्लील हरकत गर्ने कृषि विज्ञान विश्व विद्यालयका कृषि संकायका डिन जय प्रकाश दत्त निलम्बनमा परेका छन् ।
संवेदनशील सामाग्री सामाजिक सञ्जालमा देखिएको भन्दै दत्तलाई छानबिनका लागि निलम्बन गरिएको विश्व विद्यालयका उपकुलपति पुण्य रेग्मीले बताउनुभयो ।
दत्तले ६३ जना सहभागी भर्चुअल मिटिङमा एक महिलालाई अश्लील हरकत गरेको भिडियो सार्वजनिक भएको थियो । सार्वजनिक भएको सामाग्रीमा उनको अडियो बन्द भए पनि भिडियो अन नै रहेको अवस्थामा उक्त हरकत भेटिएको थियो ।
दत्त दुई वर्ष अगाडी मात्रै डिनमा नियुक्त भएका थिए ।
छानबिन प्रतिवेदन प्राप्त नहुने समय सम्मका लागि उनी निलम्बनमै रहने छन् ।
Posts
