 |
| स्रोत: स्थानीय |
ग्यास सिलिण्डर बोकेको ट्रक दुर्घटना हुँदा ३ जनाको ज्यान गएको छ । आज विहान ९ बजेतिर नेपालगञ्जबाट दैलेखका लागि ग्यास सिलिन्डर बोकेर आउँदै गरेको भे १क २२०१ नमबरको ट्रक गुराँस गाउँपालिका–४ तालपोखरी दुर्घटना हुँदा चालक सहित ३ जनाको ज्यान गएको हो ।
प्रहरीका अनुसार मृत्यु हुनेमा बाँकेका २९ वर्षीय चालक कृष्ण चौधरी, ट्रकमा यात्रारत दाङका दुईजना अन्दाजी १८ वर्षीय विष्णु चौधरी र २७ वर्षीय लछिराम चौधरी रहेका छन् ।
ट्रकका सहचालक सल्यान कुपिण्डेदह गाउँपालिका–७ का २८ वर्षीय प्रकाश कुमाईले सडकमै हामफालेर ज्यान जोगाएको खबर प्राप्त भएको छ ।
प्रारम्भिक अनुसन्धान अनुसार चालकले ब्रेक फेल भयो भनेपछि सहचालकले हाम फाल्न सफल भएका थिए ।
ट्रक सडकबाट करीब डेढसय मिटर तल खसेको थियो ।
.png)
.png)
.jpg)
.png)
.jpeg)
Posts
