पोखरा, १२ चैत । अर्जुनचाैपारी पोखरा बचत तथा ऋण सहकारी संस्थाले शैक्षिक सामग्री वितरण गरेको छ ।
सहकारीले अर्जुनचौपारि गाउँपालिका वाड न ६ स्थित दरौँ माध्यमिक विद्यालयमा शैक्षिक सामाग्री वितरण कार्यक्रम सम्पन्न गरेको हो ।
जसबाट दरौँ मा वि मा अध्ययन गर्ने ३० जना गरिब तथा जेहेन्दार विद्यार्थीहरू लाभान्वित भएको संस्थाका अध्यक्ष हेम नारायण चापागाईँले बताउनुभयो ।
सो अवसरमा विद्यार्थीलाई शैक्षिक ब्याग , कापी , डट पेन , कलम , इलेजर, पेन्सिल कटर ,टुथपेस्ट /ब्रस लगायतका शैक्षिक सामाग्रीहरू वितरण गरिएको थियो ।
पोखरा महानगरपालिका वडा नम्बर १७ बिरौटाको कार्यालयबाट कार्य सञ्चालन गर्दै आइरहेको अर्जुनचाैपारी पोखरा बचत तथा ऋण सहकारी संस्थाले पछिल्लो समय सामाजिक कार्यहरूमा समेत अग्रसरता देखाउँदै आइरहेको छ ।
Posts
