फाल्गुन १९, बालबालिकाको मनोविज्ञानमा असर गर्नुका साथै उनिहरू असुरक्षित भएको सन्दर्भमा टिकटकले समय सीमासम्बन्धी नयाँ नियम ल्याउन लागेको जनाएको छ ।
टिकटकले अब १८ वर्षभन्दा कम उमेरका बालबालिकाको लागि दिनको ६० मिनेट मात्रै टिकटक चलाउन मिल्ने व्यवस्था ल्याउन लागेको जनाएको छ ।
त्यस्तै १३ वर्षभन्दा कम उमेरका प्रयोगकर्ताहरूले अभिभावकको अनुमतिमा लिएर थप ३० मिनेट टिकटक चलाउन पाउने छन् ।
बस्टन बाल अस्पतालको डिजिटल वेलनेस ल्याबका अनुसन्धानकर्ता र विज्ञहरूसँगको छलफलपछि टिकटकले ६० मिनेटको थ्रेसहोल्ड लागू गर्न लागेको हो ।
अघिल्लो वर्ष सार्वजनिक भएको एक रिपोर्टमा टिकटकको अल्गोरिदमले कतिपय बालबालिका र किशोरकिशोरीलाई लक्षित गरेर सेल्फ हार्म र इटिङ डिस्अर्डरसम्बन्धी भिडियो पुर्याउने गरेको उल्लेख थियो ।
Posts
