विद्यार्थी भिसामा जापान गएकी आरती खनाल गत बिहीबार देखी सम्पर्कविहीन भएको भन्दै परिवारले खोजी गरिदिन आग्रह गरेको छ ।
चितवन भरतपुर महानगरपालिका-१२ स्थायी ठेगाना भएकी आरती सम्पर्कमा नआएको भन्दै उनका बुवा देवराज खनालले छोरीको खोजी गरिदिन सबैलाई आग्रह गर्नुभएको छ ।
उनका बुवाका अनुसार उनी जापानको ओशाका सिटीको इकोनोको काट्सुयामा कित्ता १-३–२ मा बस्दै आएकी थिइन् ।
आरती १० महिनाअघि विद्यार्थी भिसामा जापान पुगेकी थिइन्। कसैले देख्नु वा भेट्नु भएमा जापानमा एनआरएनए जापानकी उपाध्यक्ष सङ्गीता अधिकारीलाई खबर गर्न सार्वजनिक अपिल समेत गरिएको छ ।
जापानमा रहेको नेपाली राजदूतावासले खनालको प्रहरीसमेतको सहयोग लिएर खोजी कार्यमा पहल गरिदिन उनको परिवारले सहयोगको याचना गरेको छ ।
Posts
