पोखरा, फाल्गुन २२ । रङ्गशाला आमा समुह पोखरा महानगरपालिका वडा नम्बर १० ले होलीको विशेष दिन पारि अर्ग्यानिक उत्पादन बिक्री केन्द्रको उद्घाटन गरेको छ ।
संस्थाकी अध्यक्ष चन्द्रावती गुरुङको अध्यक्षतामा सम्पन्न कार्यक्रममा बिक्री केन्द्रको उद्घाटनकै अवसरमा कमजोर आर्थिक अवस्था भएका विद्यार्थी प्रमीला कुवर लाई पोसाक सँगै पुस्तक , कापी र अन्य १० हजार बराबरको शैक्षिक सामाग्री प्रदान गरेको हो ।
शैक्षिक सामाग्री हस्तान्तरण गर्दै कार्यक्रमकी प्रमुख अतिथि एवं गण्डकी प्रदेश सांसद सरस्वती गुरुङले समूहले गरेका सामाजिक कामहरूको उच्च प्रशंसा गर्नुभयो ।
समूहकी सचिव मञ्जु गुरुङले सञ्चालन गरेको उक्त कार्यक्रममा आमा समुह , जनप्रतिनिधि , सँगै स्थानीय हरूको सहभागिता रहेको थियो ।
त्यस्तै केहि समय अगाडी समुहले पोखरामा भएको हवाई दुर्घटनामा परी ज्यान गुमाउनेहरूको सम्झनामा हजार बत्ती बाल्ने कार्यक्रम पनि सम्पन्न गरेको छ । साथै गुम्बाका लामाहरूको लागि खाजा / खानको व्यवस्था समेत गरिएको सचिव मञ्जु गुरुङले बताउनु भयो ।
पछिल्लो समय विभिन्न सामाजिक काम सँगै आमा समुहले महिला सशक्तीकरणका कार्यक्रमहरू लाई जोड दिँदै गइरहेको छ ।
Posts
