 |
| प्रहरीले सार्वजनिक गरेका फरार प्रतिवादी |
पर्वत, ४ चैत ।
पर्वतमा सवारी ज्यान कसुर मुद्दामा फरार रहेका १ जनालाई प्रहरीले पक्राउ गरेको छ ।
१ वर्ष अगाडिदेखि ज्यान कसुर मुद्दामा फरार रहेका पर्वत बिहादी गाउँपालिका वडा नम्बर १ का २८ वर्षीय मिलन बहादुर सुवेदी क्षेत्री पक्राउ परेका हुन् ।
२०७८ साल फागुन १० गतेको ट्याक्टर दुर्घटना पश्चात् फरार रहेका उनलाई प्रहरीले बिहादी गाउँपालिका वडा नं. ६ सेतीवेनी बजारमा फेला पारी पक्राउ गरेको हो ।
ग.१ त. ४३९३ नम्बरको ट्याक्टर चलाएका क्षेत्रीले सोही ट्याक्टरमा सवार बिहादी गाउँपालिका वडा नं. १ रात माटा बस्ने ६० वर्षीय कर्ण बहादुर सार्कीलाई किची मृत्यु भएको घटनाका सम्बन्धमा सवारी ज्यान सम्बन्धी कसुरमा मुद्दा दर्ता भएको १ वर्ष पछि उनी पक्राउ परेका हुन् ।
प्रहरीका अनुसार सम्मानित पर्वत जिल्ला अदालतबाट म्याद थप गरी थप अनुसन्धान भइरहेको छ ।
Posts
