 |
| सांकेतिक तस्विर |
पाल्पा, २८ फागुन । पाल्पामा टिपर दुर्घटना हुँदा एक जनाको मृत्यु भएको छ ।
आज बिहान झडेवा रहबास सडक खण्डको गोठादी रहबासस्थित पाल्पा चुनढुङ्गा खानीमा जाँदै गरेको लु २ ख ११९६ नम्बरको खाली टिपर दुर्घटना हुँदा एक जनाको ज्यान गएको हो ।
टिपर सडकदेखि ४० मिटर तल खसेर दुर्घटना हुँदा रुपन्देहीको तिलोत्तमा ११ बस्ने टिपर चालक ४० वर्षीय विष्णु गुरुङको घटनास्थलमै ज्यान गएको प्रहरीले जनाएको छ ।
त्यस्तै दुर्घटनामा परी टिपरमा सवार माथा गढी गाउँपालिका वडा नम्बर ७ झडेवाका ५० वर्षीय हुम बहादुर परियार घाइते भएको खबर प्राप्त भएको छ ।
घाइते परियारलाई उपचारका लागि सदरमुकाम तानसेन पुर्याइएको खबर छ ।
Posts
