बाग्लुङ, फाल्गुन २२ । बाग्लुङमा हत्या र लुटपाटमा संलग्न भएको आरोपमा एकजनालाई प्रहरीले पक्राउ गरेको छ ।
गल्कोट नगरपालिका - ९ बस्ने ६५ बर्षीया बेलाकुमारी गौतमको हत्या सँगै लुटपाटमा संलग्न रहेको आरोपमा गल्कोट ९ का ३४ बर्षीया इन्द्र बहादुर बिकलाइ पक्राउ गरीएको इलाका प्रहरी कार्यालय गलकोटले जनाएको छ । फाल्गुन १९ गते बेलुका करिब साढे आठ बजे तिरको समयमा बिकले वृद्धाको पछाडी बाट हत्या गरेर लुटेको प्रारम्भिक अनुसन्धानबाट पत्ता लागेको प्रहरीले जनाएको छ ।
प्रहरीका अनुसार वृद्धाको शव घरबाट करिब ५५ मिटर टाढा भिरमा भेटिएको थियो ।
हत्याको आशंका लागे पछी प्रहरीले बिकलाई पक्राउ गरि अनुसधान थालेको थियो । बिकले वृद्धको पछाडिबाट हत्या गरेको स्वीकार गरेको प्रहरीले जनाएको छ ।
बिकलाई ५ दिनको म्याद थप गरि कर्तब्य ज्यान सम्बन्धि मुद्धामा अनुसन्धान भैरहेको छ ।
Posts
