३३ हजार ८०२ मतभार नेपाली कांग्रेसका वरिष्ठ नेता रामचन्द्र पौडेल राष्ट्रपतिमा निर्वाचित भएका छन् ।
बिहीबार नयाँ बानेश्वरस्थित संसद भवनमा भएको निर्वाचनमा संघीय संसदका ३१३ र प्रदेशसभाका ५१८ सांसदले गरेको मतदानमा पौडेल उक्त मतका साथ निर्वाचित भएका हुन् ।
पौडेलका पक्षमा संघीय सांसदको २१४ मत र प्रदेश सांसको ३५२ मत खसेको थियो ।
त्यस्तै नेकपा एमालेका उम्मेदवार नेम्वाङले १५ हजार ८१८ मतभार पाएका छन् । उनको पक्षमा ९८ संघीय सांसद र १६२ प्रदेश सांसदले मतदान गरेका छन् ।
८ दलीय गठबन्धनका साझा उम्मेदवार रहेका पौडेल नेकपा एमालेका उम्मेदवार सुवासचन्द्र नेम्वाङलाई पराजित गर्दै नेपालको तेस्रो राष्ट्रपतिमा निर्वाचित भएका हुन्।
त्यसैगरी खसेका मतमध्ये प्रदेशतर्फको ५ मत बदर भएको निर्वाचन आयोगले जानकारी दिएको छ।
.png)
.png)
.jpg)
.png)
.jpeg)
Posts
