शनि देव कर्मको हिसाबले फल प्रदान गर्ने देवताका रूपमा चिनिन्छन् । खास गरेर शनिवारलाई शनि देवको उपासना गर्ने दिनका रूपमा बुझिन्छ । यो दिन शनिदेवको आराधना गरे उनको कृपा प्राप्त भई नकारात्मक प्रभावबाट बच्न सकिने धार्मिक मान्यता छ ।
शनिवार विशेष ध्यान राख्नु जरुरी हुन्छ । केही कामहरू यस्ता छन् जसलाई शनिवार गर्नका लागि वर्जित गरिएको छ भने केही कामहरूलाई शनिवार गर्न उपयुक्त दिनको रूपमा समेत लिइएको छ ।
आउनुहोस् चर्चा गरौँ शनिवार के र कस्ता कार्यहरू नगर्ने त ?
- शनिवार तेल, काठ, कोइला, नुन, फलाम वा फलामको सामान, कालो मास, सरस्युको तेल, जुत्ता चप्पल किन्नु लाई राम्रो मानिएको छैन । तपाईँले यस्ता कुराहरू शनिवारको दिनमा घरमा भित्र्याउनु भयो भने जीवनमा अवरोधहरू उत्पन्न हुन थाल्छन् ।
- जीवन कठिन बनाउन सक्ने भन्दै शनिवारको दिनमा मासु, रक्सी र मादक पदार्थ जस्ता कुनै पनि प्रकारको वस्तुहरू उपभोग गर्नु हुँदैन भनेर भनिएको छ ।
- शनिदेव न्यायका देवता भएकाले शनिवारको दिन बिर्सिएर पनि कमजोर व्यक्तिलाई अपमान गर्नु हुँदैन, गरियो भने धेरै समस्याहरूको सामना गर्नुपर्ने उल्लेख छ ।
त्यस्तै अब चर्चा गरौँ शनिवार केके काम गर्दा फलदायी हुन्छ त ?
- शनिवार लाई विभूति, भस्म वा रातो चन्दन धारण गर्न उपयुक्त दिनको रूपमा लिइने गरिन्छ ।
- यो दिन दक्षिण पश्चिम, पश्चिम र दक्षिण दिशामा यात्रा गर्नका लागि उपयुक्त मानिन्छ ।
- शनिवार साँझ,पीपलको रूखमा पानी चढाउने र तिल वा तोरीको तेलमा दियो बालियो भने शुभ फल प्राप्त हुने मान्यता छ ।
- यो दिन काँसको कचौरामा तोरीको तेल लिएर यसमा एउटा सिक्का त्यसमा एउटा सिक्का राखेर त्यसमा तपाईँको प्रतिबिम्ब हेर्नुहोस् र तेल दान गर्नुहोस् त्यसो गर्दा पनि तपाईँलाई शुभ फल प्राप्त हुने गर्दछ ।
- यस दिन तेल दान गर्दा पनि तपाईँलाई शुभ फल प्राप्त हुने मान्यता छ ।
- त्यसै गरी यस दिन फलामबाट बनेका सामानहरू दान गर्नुलाई पनि अत्यन्त शुभ मानिएको छ ।
Posts
