 |
| सांकेतिक तस्विर |
फाल्गुन २७, स्याङ्जा । शनिवार स्याङ्जाको वालिङ स्थित मानेवगरको रहमा पौडी खेल्ने क्रममा डुबेर एक बालकको ज्यान गएको छ ।
पौडी खेल्ने क्रममा डुबेका अन्दाजी १५ वर्षीय कुशल भुसालको उपचारको क्रममा वालिङ प्राथमिक स्वास्थ्य केन्द्रमा ज्यान गएको जिल्ला प्रहरी कार्यालय स्याङ्जाले जनाएको छ ।
वालिङ ८ बस्ने भुसालको पौडिने क्रममा डुबेपछि स्थानीय र प्रहरीको टोलीले उनलाई उद्धार गरी वालिङ प्राथमिक स्वास्थ्य केन्द्रमा पुर्याएको थियो । स्वास्थ्य केन्द्र पुर्याइएका उनको केही समयमा ज्यान गएको थियो ।
तिन जना साथीहरू सँगै खेल्न गएका भुसालको शव पोस्टमार्टमको लागि पठाइएको छ । घटनाका सम्बन्धमा थप अनुसन्धान भइरहेको प्रहरीले जनाएको छ ।
Posts
