स्याङ्जा, स्याङ्जा अर्जुनचौपारीको दरौंखोलामा माछा मार्ने ३ जना पक्राउ परेका छन् ।
पक्राउ पर्नेमा ४१ वर्षीय यो जोङ यु, ३६ वर्षीय गाहु र ४० वर्षीय यु स्या हु रहेको प्रहरीले जनाएको छ ।
पोखरामा सडक निर्माणको काम गर्ने उनीहरू स्याङ्जा गएको बेला अर्जुनचौपारी गाउँपालिका स्थित दरौंखोलामा माछा मार्न पुगेको अवस्थामा प्रहरीले पक्राउ गरेको हो ।
जिल्ला प्रहरी कार्यालय स्याङ्जाका अनुसार उनीहरू चिनिया नागरिक हुन् । उनीहरूलाई जनही ५ हजारका दरले जरिवाना तिराइएको प्रहरीले जनाएको छ ।
उनीहरूमध्ये एक जनाको स्याङ्जा मै ससुराली रहेको बुझिएको छ । अवैध ढङ्गले माछा मारिरहेका उनीहरूलाई गस्तीमा गएको प्रहरीले पक्राउ गरेको थियो ।
Posts
