स्याङ्जा, पुतली बजार स्थित पेट्रोलुबले मिसावटयुक्त इन्धन बेचेको प्रमाणित भएपछि उक्त पेट्रोल पम्पलाई जरिवाना सहितको कारबाही गरिएको छ ।
उक्त पेट्रोल पम्पका सञ्चालक कृष्णप्रसाद शर्मा, जनकराज शर्मा, भगवती शर्मा र सम्झना शर्मालाई जनही एक लाख ८० हजारको दरले र कर्मचारी सुवास क्षेत्रीलाई एक लाख रुपैयाँ जरिवाना गरेको प्रहरीले जनाएको छ ।
मिसावट भएको भेटिएपछि सो पम्पमा मौजुद रहेको १ हजार ९ सय १८ लिटर पेट्रोलसमेत नष्ट गरिएको छ ।
नेपाल आयल निगम गण्डकी प्रादेशिक कार्यालय पोखराको टोलीले पेट्रोलको नमुना सङ्कलन गरी परीक्षणका लागि पठाउँदा उक्त पेट्रोलमा मिसावट भएको भेटिएको थियो ।
केही समय अगाडी मात्रै बाड खोला र आसपासका सवारी चालकहरूले उक्त पम्पको पेट्रोल हालेपछि सवारीसाधनमा समस्या देखिन थालेको भन्दै गुनासो टिपाएका थिए ।
.png)
.png)
.jpg)
.png)
.jpeg)
Posts
