_page-0001_1.jpg)
स्याङ्जा- अर्जुनचौपारी गाउँपालिका स्याङ्जाले पालिकाद्वारा लिइएको कक्षा ३ , ५ र ८ को २०७९ सालको लिखित परीक्षाको विवरण सार्वजनिक गरेको छ ।
पालिकाद्वारा सार्वजनिक भएको २०७९ सालको अन्तिम परीक्षाको विवरण अनुसार समग्र पालिकाको नतिजा सन्तोषजनक देखिएको छैन ।
गाउँपालिकाले सार्वजनिक गरेको विवरण अनुसार आन्तरिक मूल्याङ्कन बाहेक कक्षा ३ को परीक्षामा २६ वटा विद्यालयका १६३ जना विद्यार्थीमध्ये ३७ जना मात्र उत्तीर्णका लागि योग्य देखिएका छन् भने बाँकी १२५ जनाले ४० अङ्क भन्दा कम अङ्क प्राप्त गरेको खबर छ ।
जस मध्ये जनविकास आ वि , रानिचारी आ वि , आदर्श आवी , लाकुरी आ वि, नवदुर्गा आ वि , बुद्ध आ वि , कालिका आ वि, दिव्य ज्योति आ वि , सर्वोदय मा वि र भवानी आ वि का कक्षा ३ का विद्यार्थीले न्यूनतम ४० अङ्क बन्द कम ल्याएको तथ्याङ्क सार्वजनिक भएको छ । यसरी समग्रमा कक्षा ३ को उत्तीर्ण योग्य प्रतिशत २२.६९ रहेको छ ।
त्यस्तै कक्षा ५ तर्फ १४६ जना विद्यार्थी सहभागी हुँदा पालिका भरिबाट जम्मा २१ जना विद्यार्थी मात्र उत्तीर्ण योग्य देखिएका छन् ।
जसमा ४० भन्दा कम अङ्क ल्याउने विद्यार्थीहरूको सङ्ख्या १२२ रहेको छ । यसरी समग्र कक्षा ५ बाट जम्मा १४.३८ प्रतिशत विद्यार्थीहरू मात्र उत्तीर्ण योग्य देखिएका छन् । कक्षा ५ को अन्तिम परीक्षा दिएका दिव्य ज्योति आ वि, नजना मा वि , लक्ष्मी आ वि , बयाले आ वि, सरस्वती आ वि , रानिचारी आ वि , आदर्श आ वि र देवीस्थान आ वि गरेर ८ वटा विद्यालयका कुनै पनि विद्यार्थीले ४० अङ्क कटाउन नसकेका विवरण छ ।
त्यसै गरी कक्षा ८ बाट अन्तिम परीक्षामा सहभागी भएका १७७ जना विद्यार्थी मध्ये २४ जना विद्यार्थीहरू मात्र परीक्षा उत्तीर्ण योग्य रहेको विवरण छ । यसरी हेर्दा आधारभूत तहको अन्तिम परीक्षामा पास हुन योग्य विद्यार्थी १३.५५ प्रतिशत मात्र रहेको छ ।
यता गाउँपालिका अध्यक्ष प्रकाश तिवारी पालिकाको शैक्षिक अवस्था द्रुत रूपमा खस्कँदो रहेकाले ढिला नगरीकन शैक्षिक अवस्था सुधारका निमित्त सबै पक्षहरूले पहल गर्नुपर्ने बताउनुहुन्छ । ''विद्यालयको आन्तरिक मूल्याङ्कन बाहेकको पुरानो मूल्याङ्कन पद्धति अनुसारको मूल्याङ्कन गर्दा विद्यार्थीहरूको वास्तविक अवस्था कस्तो रहेछ भनेर पालिकाको शैक्षिक अवस्थाको वास्तविकता देखाउन खोजेका हौँ ।'' पालिका प्रमुख तिवारीले भन्नुभयो ।
त्यस्तै पास र फेल भनेर विवरण सार्वजनिक भए पनि तिवारीले आफूहरूले सार्वजनिक गरेको विवरण नै अन्तिम नतिजा भने नरहेका बताउनुभएको छ । '' हामीले हालै प्रकाशित गरेको विवरण अनौपचारिक रूपमै भएतापनि वास्तविक चाहिँ त्यही हो तर अन्तिम नतिजा भने आन्तरिक विद्यार्थी मुल्याकन सहित गरेर प्रकाशित हुनेछ'' तिवारीले भन्नुभयो ।
पालिकाद्वारा अनौपचारिक रूपमा सार्वजनिक भएको नतिजाको विवरण यस्तो छ :
.png)
.png)
.jpg)
.jpeg)
.png)
Posts
