पोखरा, १० जेठ । सामाजिक सञ्जाल मार्फत नाबालिकालाई शोषण , दुर्व्यवहार र अश्लील हर्कत गरेको आरोपमा पोखरा पुरनचौरका २१ वर्षीय युवक पक्राउ परेका छन् ।
पोखरा महानगरपालिका वडा नम्बर १९ स्थित पुरनचौरका २१ वर्षीय मनिष भुजेललाई अनलाइनबाट नाबालिकालाई शोषण र दुर्व्यवहार गरेको आरोपमा प्रहरीले पक्राउ गरेको हो ।
फकाई फुल्याई विभिन्न प्रलोभनमा पारी विभिन्न सामाजिक सञ्जालमार्फत अश्लील कुराकानी तथा भिडियो च्याट मार्फत अवाञ्छित क्रियाकलाप गर्न लगाउने र आफुले भनेअनुसार नमानेपछि पिडित बालिका र उनकी आमालाई धम्कीपूर्ण म्यासेज पठाएर अनर्गल कुराकानी गरको आरोपमा प्रहरी प्रधान कार्यालय साइबर ब्यूरोबाट खटिएको प्रहरी टोलीले भुजेललाई पक्राउ गरेको हो ।
जिल्ला प्रहरी कार्यालय कास्कीको सहयोगमा भुजेललाई पोखराबाट पक्राउ गरी जिल्ला अदालत काठमाडौँबाट पाँच दिनको म्याद थप गरिएको प्रहरीले जनाएको छ ।
प्रहरीका अनुसार नाबालिकालाई अनावश्यक मानसिक तनाव र हैरानी दिने भुजेलमाथि थप अनुसन्धान भईरहेको छ ।
Posts
