जेठ १३ गते । झापाको धार्मिक पर्यटकीय क्षेत्र सताक्षीधामको झर्नामा पौडी खेल्ने क्रममा डुबेर निश्चय भण्डारीको मृत्यु भएको छ ।
कमल गाउँपालिका वडा नम्बर ५ स्थित माथिल्लो झरनाको दहमा पौडी खेल्ने क्रममा करिब १२ बजेतिर शनिवार दिउँसो भण्डारीको ज्यान गएको हो ।
जिल्ला प्रहरी कार्यालय झापाका अनुसार कमल गाउँपालिका –५ का १९ वर्षीय भण्डारीको पौडी खेल्नेक्रममा डुबेका थिए । झर्नामा डुबेका उनको घटनास्थलमै मृत्यु भएको हो ।
शनिवार भण्डारी आफ्ना साथीहरूसँग सताक्षीधाम क्षेत्रमा घुम्न गएका थिए ।
धामबाट करिब १ किलोमिटरको दूरीमा रहेको इलामको माई नगरपालिका –८ को माथिल्लो झरनामा उनी पौडी खेल्न दहमा गएको र सोही क्रममा उनी डुबेको खबर छ ।
Posts
