 |
| सांकेतिक तस्विर |
मलामी आएका एक व्यक्तिको बाटो पार गर्ने क्रममा मोटरसाइकलको ठक्करबाट मृत्यु भएपछि अरनिको राजमार्ग अवरुद्ध भएको छ ।
काभ्रेपलान्चोकको बनेपा नगरपालिका–१३ भैसेपाटीमा मलामी आएका एक व्यक्तिको बाटो पार गर्ने क्रममा मोटरसाइकलको ठक्करबाट मृत्यु भएपछि अरनिको राजमार्ग अन्तर्गतको साँगा–बनेपा सडक खण्ड अवरुद्ध भएको हो । प्रहरीका अनुसार ठक्कर दिने बाइक चालक फरार रहेका छन् ।
मङ्गलबार बिहान करिब साढे दुई बजेको समयमा बा ६३ प २७२ नम्बरको मोटरसाइकलको ठक्करबाट स्थानीय अन्दाजी ६२ वर्षीय बालकृष्ण बुढाथोकीको मृत्यु भएको इलाका प्रहरी कार्यालयले बनेपाले जनाएको छ ।
मृतक बुढाथोकीका आफन्त तथा छिमेकीले बाइक चालकको पहिचान हुनुपर्ने माग राख्दै अरनिको राजमार्ग अन्तर्गतको साँगा–बनेपा सडक खण्ड अवरुद्ध गरेका हुन् ।
प्रहरीले बाइक चालकको खोजी कार्य भइरहेको जनाएको छ ।
Posts
