एकै रातामा चार वटा सटर फोडी चोरी गर्ने एकजना पक्राउ - Brighter Khabar

झापा शिवसताक्षी नगरपालिका–६ शिवगञ्ज बजारमा  जेठ ३ गते  एकै रातामा  लगातार श्रृङ्खलाबद्ध रूपमा चार वटा सटर फोडी चोरी भएको छ ।

इलाका प्रहरी कार्यालय शिवगञ्जमा जानकारी प्राप्त विवरण  अनुसार प्रहरीले अनुसन्धान गर्ने क्रममा चोरीमा संलग्न सोही नगरपालिका–५ आमबाडी बस्ने ५६ वर्षीय सविलाल खवासलाई नियन्त्रणमा लिएको जनाएको ।

प्रहरीले  चोरीका सामान, नगद र चोरी भएको अवस्थामा प्रयोग भएका फलामको रड, झोला र चोरी गर्दा प्रयोग भएको कपडासहित खवासलाई घरबाट पक्राउ गरेको हो ।

पक्राउ परेका खवासलाई झापा जिल्ला अदालतबाट चोरी मुद्दामा सात दिन म्याद थप गरी इलाका प्रहरी कार्यालय झिलझिलेमा राखी थप अनुसन्धान कार्य भइरहेको प्रहरीले जनाएको छ।