 |
| म्याद गुज्रेको बियर नष्ट गर्दै जिल्ला प्रशासन कास्की |
पोखरा, २७ वैशाख । कास्कीको पोखरा महानगर पालिका वडा नम्बर ५ स्थित लाभाजु इन्टरप्राइजेजमा रहेको म्याद गुज्रेको बियर नष्ट गरिएको छ ।
लाभाजुले स्टोर गरी राखेको म्याद गुज्रेको करिब १४ लाख बराबरको बियर नष्ट गरिएको हो ।
म्याद सकिएको बियर बेचिराखेको छ भन्ने सूचना प्राप्त गर्न साथ अनुगम टोली उक्त स्टोरमा पुगेर खानतलासी गर्दा सो बियर भेटिएको हो ।
कास्की प्रहरीका अनुसार बर्डवाइजर नामको बियर बरामद गरेर नष्ट गरिएको हो । स्टोर खानतलासी गर्दा छ सय पचास एमएल को ३ सय १३ कार्टुन र तिन सय तिस एमएलको ६ कार्टुन बियर प्रशासनले फेला पारेको थियो ।
साथै उक्त इन्टरप्राइजेजका सञ्चालकलाई समेत कानुन अनुसार कारबाही गरिने कास्की प्रशासनले जनाएको छ ।
Posts
