पोखरा, ६ जेठ । आज साँझ ५ बजे काठमाडौंबाट पोखरा उडेको बुद्ध एअरको जहाज पोखरा नजिकै आइपुगेपछि पुन काठमाडौं फर्किएको छ ।
बुद्धको उडान नम्बर बीएचए ६५९ विमान प्रतिकूल मौसमका कारण पोखरा नजिक आएर पनि फेरी काठमाडौं फर्किएको हो ।
विमान पोखरा नजिकै पुग्दा मौसम एक्कासी प्रतिकूल बनेको बताइएको छ ।
पोखरा विमानस्थलमा अवतरणको सम्भावना नरहेपछि पोखराको आकाशमाथि पुगेर फर्केको बुद्धको विमान काठमाडौंमा साँझ साढे ६ बजे अवतरण गरेको बताइएको छ ।
Posts
