पाँचथरको सदरमुकाम फिदिम बजारस्थित याङनाम होटलबाट प्रहरीले तास खेलिरहेको अवस्थामा नौजनालाई पक्राउ गरेको छ ।
पक्राउ परेकाहरुको साथबाट ५७ हजार नगद र तीन बुङ तास बरामद गरेको जिल्ला प्र्रहरी कार्यालय पाँचथरका प्रहरी निरीक्षक दिवस कुँवरले जानकारी दिनुभयो ।
उनीहरुलाई आज अपरान्ह तास खेलिरहेको अवस्थामा छापा मारेर पक्राउ गरेको कुँवरको भनाइ छ ।
प्रहरीले अनुसन्धान प्रक्रियामा प्रभाव पर्नसक्ने भन्दै पक्राउ परेकाहरुको नाम सार्वजनिक गरेको छैन ।
पक्राउ परेका नौजनाकै स्वास्थ्य परीक्षण गरेर अनुसन्धान शुरु गरेको पनि प्रहरीले जनाएको छ ।
Posts
