स्याङ्जाको आँधिखोला किनारमा वेवारिसे शव फेला परेको छ ।
गल्याङ नगरपालिका वडा नम्बर ५ स्थित खटुडाको आँधिखोलामा बिहिबार दिउसो एक पुरुषको शव भेटिएको प्रहरीले जनाएको छ ।
खोला किनारमा खैरो चेक सर्ट , निलो टिसर्ट साथै कालो रङ्गको जांगे लगाएका एक पुरुषको शव वेवारिसे अवस्थामा भेटिएको हो ।
शव भेटिएको तर को भनेर पहिचान नखुल्दा समस्या उत्पन्न भएको छ । प्रहरीले उक्त पुरुष ६० / ६५ उमेर समुहको रहेको जनाउँदै सम्बन्धित परिवार एवम् आफन्तलाई सम्पर्कमा आउन समेत आग्रह गरेको छ ।
हुलिया अनुसार शंका लाग्ने जोकोहीले वडा प्रहरी कार्यालय वालिङमा सम्पर्क गर्न अनुरोध गरिएको छ ।
Posts
