जेठ २०, एक हप्ता अगाडी सवारी दुर्घटनामा परि घाइते भएकी एलिसा अधिकारीको उपचारका क्रममा आज शनिवार मृत्यु भएको छ ।
झापा बुद्धशान्ति वडा नम्बर १ की २१ वर्षीया एलिसा अधिकारी जेठ १२ गते बिहान ११ बजे बुद्धशान्ति गाउँपालिका –१ शान्ति चोकस्थित भित्री सडकमा मोटरसाइकल दुर्घटनामा परी घाइते भएकी थिइन् ।
प्रहरीका अनुसार उनको उपचारको क्रममा बिर्तासिटि हस्पिटल बिर्तामोडमा मृत्यु भएको हो ।
पूर्वबाट पश्चिमतर्फ जाँदैगरेको मे ७ प ८१८१ नम्बरको मोटरसाइकल र विपरीत दिशाको मे १ प ९७६५ नम्बरको अर्को मोटरसाइकल एकापसमा ठोकिंदा दुर्घटना भएको थियो ।
दुर्घटनापछि मे ७ प ८१८१ नम्बरको मोटरसाइकल चालक बुद्धशान्ति –१ का २५ वर्षीय दिपेश ढकाल र मे १ प ९७६५ नम्बरको मोटरसाइकल चालक इलाम रोङ गाउँपालिका –१ का ५८ वर्षीय धनबहादुर राई प्रहरीको नियन्त्रणमा छन् ।
उनीहरुमाथि थप अनुसन्धान भईरहेको प्रहरीले जनाएको छ ।
Posts
