 |
| सांकेतिक तस्विर |
असार १३, महिलाको सामूहिक बलात्कारपछि ज्यान लिएका फरार हत्यारा १२ वर्षमा पक्राउ परेका छन् ।
ज्यान मार्ने मुद्दामा फरार प्रतिवादी सूर्य थोकर भन्ने सूर्यबहादुर थोकर १२ वर्ष पछि पक्राउ परेका हुन् । ३३ वर्षीय उनलाई प्रहरीले नियन्त्रणमा लिएको छ ।
२०६८ असोज २६ गते राति पीडित महिलाकै घरमा पुगेर पालैपालो बलात्कार गरेपछि धारिलो हतियारले घाँटी रेटी हत्यामा संलग्न रहेका ३३ वर्षीय थोकर मकवानपुरको हेटौँडा उपमहानगरपालिकाबाट पक्राउ परेका हुन् ।
२०७८ वैशाख ५ गतेको फैसलाले उनीसहितका प्रतिवादीलाई ज्यान मारेको मुद्दामा दोषी ठहर गरेको थियो । जिल्ला अदालत मकवानपुरले २० वर्ष, ज्यान मार्ने षड्यन्त्र गर्नेतर्फ १२ वर्ष, जबरजस्ती करणी गरेकोमा ७ वर्ष र सामूहिक रूपमा जबरजस्ती करणीतर्फ ५ वर्ष गरी कुल ४४ वर्ष कैद सजाय सुनाएका उनी फैसला अगावै फरार थिए ।
थोकरलाई अदालतको आदेशबमोजिम कैद भुक्तान का लागि कारागार पठाइएको प्रहरीले जनाएको छ ।
Posts
