काठमाडौँ- काठमाडौँ महानगरका प्रमुख बालेन्द्र शाहले भारतीय चलचित्रको प्रदर्शनमा रोक लगाउने निर्णय फिर्ता नहुने बताएका छन् ।
देशको सार्वभौमिकता र स्वाधीनताको विषयमा महानगरको तर्फबाट महानगर प्रमुख शाहले आफूले कुनै कानुन र अदालतलाई मान्ने वाला नरहेको बताउँदै निर्णय फिर्ता नहुने जनाएका हुन् ।
“जहाँ सवाल देशको सार्वभौमिकता र स्वाधीनताको आउँछ म कुनै कानुन र अदालतलाई मान्ने वाला छैन । चलचित्रका लेखकले नेपाल भारतको अधीनमा थियो भनिसकेपछि उनीहरूको नियत थाहा हुन्छ ।'' उनले भनेका छन् ।
साथै उनले भनेका छन् ''यसका लागि जुनसुकै सजाय भोग्न तयार छु, तर चलचित्र चल्दैन र चल्न दिइनेछैन । ”
उच्च अदालत पाटनले काठमाडौँ महानगरपालिकाको भारतीय चलचित्रको प्रदर्शनमा रोक लगाउने निर्णय कार्यान्वयन नगर्न अल्पकालीन अन्तरिम आदेश जारी गरेको थियो ।
सर्वोच्चद्वारा छलफलका लागि दुवै पक्षलाई असार १२ गतेका लागि बोलाइएको स्रोतले जनाएको छ ।
महानगरपालिकाले भारतीय चलचित्र ‘आदिपुरुष’ मा ‘सीता भारतीय छोरी हुन्’ भन्ने आशयको संवाद मूल संस्करणमा नसच्याएको भन्दै गत सोमबारदेखि १७ चलचित्र भवनमा भारतीय चलचित्रको प्रदर्शनमा रोक लगाएको थियो ।
महानगर प्रमुख बालेन्द्र शाहले भने सामाजिक सञ्जालमार्फत देशको सार्वभौमिकता र स्वाधीनताको कुरा आए कानुन र अदालतलाई नमान्ने बताएका हुन् ।
.png)
.png)
.png)
.jpg)
.jpeg)
Posts
