पाल्पामा १५ जना सवार बोलेरो जीप दुर्घटना हुँदा तीन जनाको ज्यान गयो - Brighter Khabar

 

पाल्पामा बोलेरो जीप दुर्घटना हुँदा तीन जनाको घटनास्थलमै मृत्यु भएको छ । पश्चिम पाल्पाको रैनादेवी छहरा ८ सत्यवतीमा सालझण्डीदेखी अर्घाखाँचीको पाणिनीतर्फ जाँदै गरेको लु१ च ९०२४ नम्बरको बलेराे जिप दुर्घटना भएको हो ।

प्रहरीका अनुसार दुर्घटनामा दुई महिला र एकजना पुरुषको घटनास्थलमै मृत्यु भएको छ । जम्मा १५ जना सवार रहेको उक्त सवारीमा रहेका अन्य यात्रुहरू घाइते रहेका छ्न् । सबै घाइतेलाई रुपन्देहीको अस्पतालमा पठाएको प्रहरीले जनाएको छ ।

मृतकको सनाखत हुन सकेको छैन भने घाइतेमध्ये केहिको अवस्था गम्भीर रहेको जिल्ला प्रहरी कार्यालय पाल्पाका सूचना अधिकारी विरेन्द्र थापाले जानकारी दिनुभयो । दुर्घटनाको कारण नखुलेको र थप अनुसन्धान जारी रहेको प्रहरीले जनाएको छ। सवारी सडकदेखि करीब ४० मिटर तल खसेको छ ।