गत आर्थिक वर्ष २०७९/८० मा ४ अर्ब ६६ करोड २४ लाख रुपैयाँ विनियोजन भएकोमा अहिलेको आर्थिक वर्ष २०८०/८१ को लागि स्याङ्जाका ११ स्थानीय तहलाई ४ अर्ब ६३ करोड ७८ लाख रुपैयाँको बजेट मात्रै विनियोजन भएको हो ।
हाल विनियोजित बजेट मध्ये रु १ अर्ब ११ करोड ५६ लाख रुपैयाँ समानीकरण तर्फ रहेको छ भने ३ अर्ब १८ करोड २ लाख सशर्त अनुदान तर्फ रहेको छ । त्यस्तै समपुरक अनुदान तर्फ १७ करोड ८५ लाख र बिशेष अनुदान तर्फ १६ करोड ३५ लाख रुपैयाँ बजेट विनियोजित भएको छ ।
जिल्लाको पुतलीबजार नगरपालिकालाई ७२ करोड २८ लाख विनियोजन हुँदा वालिङ नगरपालिकालाई ६० करोड ९० लाख विनियोजन भएको छ ।
यता गल्याङ नगरपालिकालाइ ५२ करोड ८५ लाख विनियोजन हुँदा चापाकोट नगरपालिकालाई ४८ करोड ७९ लाख र भीरकोट नगरपालिकालाई ४० करोड २२ लाख मात्रै बजेट विनियोजन भएको छ ।
यसरी नगरपालिकामा सबैभन्दा बढी बजेट पुतलीबजारलाई र सबैभन्दा कम भीरकोट नगरपालिकालाई देखिएको छ ।
त्यसतै गाउँपालिका तर्फ सबैभन्दा बढी आँधिखोला गाउँपालिकालाई ३५ करोड ८७ लाख बजेट विनियोजन भएको छ ।
अर्जुनचौपारी गाउँपालिकालाई २८ करोड ९४ लाख बजेट विनियोजन हुँदा विरुवा गाउँपालिकालाई ३२ करोड ६८ लाख विनियोजन गरिएको छ ।
त्यसैगरी फेदीखोला गाउँपालिकालाई २६ करोड ९९ लाख , हरिनाश गाउँपालिकालाई २८ करोड ९० लाख र कालीगण्डकी गाउँपालिकालाई ३५ करोड ३६ लाख विनियोजन गरिएको छ ।
यसरी पुतलीबजार र भीरकोट नगरपालिका साथै आँधीखोला गाउँपालिकालाई गतवर्षको तुलनामा बढि बजेट विनियोजन भए पनि अन्य पालिकालाई भने अघिल्लो वर्षको तुलनामा कम बजेट विनियोजन भएको छ ।
Posts
