असार २९, अक्सिजन सिलिन्डर विस्फोट हुँदा उपचारका लागि राप्ती स्वास्थ्य विज्ञान प्रतिष्ठानमा आएका एक बालकको ज्यान गएको छ ।
दाङको घोराही उपमहानगरपालिका–३ का १० वर्षीय बालक आक्रोश नेपालीको अक्सिजन सिलिन्डर विस्फोटबाट ज्यान गएको हो ।
एमआरआइ गर्ने क्रममा चिकित्सक र स्वास्थ्यकर्मीको लापरवाहीका कारण बालकको ज्यान गएको आफन्तले दाबी गरेका छन् ।
अस्पतालको लापरवाहीका कारण बालकको ज्यान गएको भन्दै आफन्तले दोषीलाई कारबाही र परिवारलाई क्षतिपूर्तिको माग गर्दै आफन्तले प्रतिष्ठानका उपकुलपतिको कार्यालय र अस्पताल परिसरमा विरोध प्रदर्शन गरेका छन् ।
अहिले अस्पताल प्रशासन र पीडित पक्षबीच छलफल भइरहेको खबर छ ।
Posts
