स्याङ्जा , असार २९ ।
स्याङ्जामा हेलिप्याड गाउँपालिकालाई हस्तान्तरण गरिएको छ। स्याङ्जाको अर्जुनचौपारि गाउँपालिका वडा नम्बर १ स्थित सहलेमा नेपाली सेनाले निर्माण गरेको हेलिप्याड गाउँपालिकालाई हस्तान्तरण गरिएको हो ।
चालु आर्थिक वर्ष २०७९/८० को कार्यक्रम अन्तर्गत अर्जुनचौपारि गाउँपालिकाको सहयोग तथा नेपाली सेनाको श्रमदानमा निर्माण सम्पन्न हेलिप्याड आज एक समारोहका बिच पालिकालाई हस्तान्तरण गरिएको हो ।
आजको एक कार्यक्रमका बिच गुल्म पति सेनानी हरिप्रसाद भट्टराईले गाउँपालिकाका प्रमुख प्रकाश तिवारीलाई हस्तान्तरण गरेका हुन् ।
भइपरी आउने घटना र अपर झटका बिरामीहरूलाई उद्धारका निमित्त यस हेलिप्याडले सहयोग पुर्याउने अपेक्षा गरिएको छ ।
Posts
