गोरखा ,असार २० । गोरखाको गण्डकी गाउँपालिका वडा नम्बर ४ पाटापाटी भन्ने स्थानमा धनसार भत्किएर दुई जनाको ज्यान गएको छ ।
मंगलबार बिहान स्थानीय जगतबहादुर बरामको बनाउँदै गरेको धनसार भत्किएर गम्भीर घाइते भएका ६५ वर्षीय रामकृष्ण बरामको उपचारका क्रममा अस्पतालमा मृत्यु भएको प्रहरीले जनाएको छ ।
गम्भीर घाइते भएका बरामको काठमाडौँको ट्रमा सेन्टरमा उपचारका क्रममा मंगलबार साँझ मृत्यु भएको हो ।
मृतक रामकृष्ण धनसार बनाउनका लागि जगबहादुरको घरमा मेला आएका थिए ।
दुर्घटनामा घरधनी जगतबहादुरकी श्रीमती ४५ वर्षीया मीना बरामको भने घटनास्थलमा नै मृत्यु भएको खबर छ ।
घाइते भएका दुई जनाको अवस्था भने सामान्य रहेको स्थानियले बताएका छन् ।
घाइते हुनेमा मृतक मीनाका श्रीमान् ४५ वर्षीय जगतबहादुर बराम, २१ वर्षीय छोरा सुजन बराम रहेका छन् ।
घटनाको जानकारी पाएलगत्तै ताङ्लीचोक प्रहरीचौकीबाट प्रहरीको टोली घटनास्थलमा पुगेर घाइतेको उद्धार गरेको थियो ।
.png)
.png)
.jpg)
.jpeg)
.png)
Posts
