असार २३, बर्दिबास जलेश्वर सडक खण्डस्थित औरही ७ भोइल गाउँ नजिक शुक्रवार राती सवारी दुर्घटना हुँदा एक जनाको ज्यान गएको छ ।
दुर्घटनामा परि गौशाला नगरपालिका १२ का ३५ वर्षीय प्रदीप महतोको ज्यान गएको हो ।
बर्दिबासबाट दक्षिणतर्फ जाँदै गरेको ज१त १६५५ नम्बरकाे ट्याक्टरलाई सोही दिशातर्फ जाँदै गरेको प्र २–०२–००२ प ६४११ नम्बरको मोटरसाइकलले ओभरटेक गर्न खोज्दा दुर्घटना भएको प्रहरीले जनाएको छ । महतोको उपचारका क्रममा राती नै मृत्यु भएको जिल्ला प्रहरीका प्रवक्ता दिलीप गिरीले बताउनुभयो ।
प्रहरीले ट्याक्टरसहित चालक धनेश्वर मण्डललाई नियन्त्रणमा लिई अनुसन्धान सुरु गरेको जनाएको छ ।
Posts
