स्याङ्जा- स्याङ्जामा प्रहरीले बर्सात सँगै उम्रिएका गाँजाका बिरुवाहरू नष्ट गरेको छ ।
गत असार १३ गते जिल्ला प्रहरी कार्यालय स्याङ्जा मातहत प्रहरी चौकी फेदी खोलाबाट खटिएको प्रहरी टोलीले गाँजाका बिरुवाहरू नष्ट गरेको हो ।
स्याङ्जा फेदी खोला गाउँपालिका वडा नम्बर २ स्थित जोगिढुङ्गा भन्ने स्थानमा स्थानीयका घरदैलोमा उम्रिएका गाँजाका बिरुवा नष्ट गरिएको प्रहरीले जनाएको छ ।
वर्षा सँगै स्थानीयका घर दैलो,गोठको वरिपरि , करेसा बारी, मल खात लगायतको स्थानमा गाँजाका बोट
उम्रने गरेको र तिनै बिरुवाहरू नष्ट गरिएको एक स्थानीयले बताए ।
स्थानीयका अनुसार उनीहरूले बाख्रा का पाठाहरूलाई चिसो लाग्दा औषधिको रूपमा गाँजा प्रयोगपूर्ण हुने गर्दछ ।
हाल नेपालमा गाँजालाई अवैध लागु औषधका रूपमा लिइन्छ ।
Posts
