.jpg) |
| सांकेतिक तस्विर |
नवलपुर, साउन ३०। पुर्वि नवलपुरको त्रिवेणी गाउँपालिकामा बाघको आक्रमणबाट दुई महिला घाइते भएको खबर छ ।
सोमबार दिउँसो विनयी त्रिवेणी गाउँपालिका वडा नम्बर १ सिसेनीकी ४० वर्षीया पिथिमा दर्लामी र सोही ठाउँकी कीर्तिमा दर्लामी बाघको आक्रमणबाट घाइते भएको प्रहरीले जनाएको छ ।
बाघले दाहिने हातको पाखुरा र दाहिने हिपमा नग्रांले चिथोरेको छ ।
घाइते दुवै महिलाको मध्यविन्दु नगरपालिकामा रहेको विश्व मेडिकलमा प्राथमिक उपचारपछि मध्यविन्दु जिल्ला अस्पताल पुर्याइएको प्रहरीले जनाएको छ । अहिले जिल्ला अस्पतालले चितवन रिफर गरेको र उनीहरू दुबैको पुरानो मेडिकल कलेज चितवनमा उपचार भइरहेको छ ।
प्रहरीका अनुसार भेडावन उपभोक्ता समितिको सामुदायिक बनमा घाँस काट्न जाने क्रममा बाघले आक्रमण गरी घाइते बनाएको हो ।
Posts
.jpg){kind=link}